Soomaaliya (Dawan) – Midowga Yurub ayaa soo dhaweeyay casuumaadda Madaxweynaha Jamhuuriyadda Federaalka Soomaaliya, Xasan Sheekh Maxamuud, uu u fidiyay Golaha Mustaqbalka si ay uga qeyb galaan kulan siyaasadeed oo lagu wado inuu ka qabsoomo Muqdisho 10-ka May 2026.
Qoraal lagu daabacay barta X ee Safiirka Midowga Yurub u qaabilsan Soomaaliya, Francesca Di Mauro, ayaa lagu sheegay in Midowga Yurub uu taageersan yahay dadaallada lagu xoojinayo wada-hadalka siyaasadeed iyo in dhinacyada Soomaalida ay si wax-ku-ool ah uga qeyb qaataan geeddi-socodka socda.
“ Dhammaan dhinacyada Soomaalidu, waa inay si dhisnaan leh uga qeyb qaataan isla markaana ay ku heshiiyaan waddo cad oo hore loogu socdo,” ayaa lagu yiri qoraalka.
