Jabuuti (Dawan) – Booliska Jabuuti ayaa sheegay inay si guul leh u damiyay dab shalay Khamiisti ka kacay saqafka xarunta Waaxda Warfaafinta Guud iyo Socdaalka, gaar ahaan qeybta xafiisyada laga qaato baasaboorrada.
War-saxaafadeed ka soo baxay Taliska Guud ee Booliska ayaa lagu sheegay in dabku kacay abbaaro 10:00 subaxnimo, iyadoo baaritaannada hordhaca ah ay muujinayaan in uu ka dhashay cillad ku timid korontada, taas oo sababtay in fiilooyinka korontadu kululaadaan.
Booliska ku sugnaa xarunta ayaa si degdeg ah uga falceliyay dhacdada, iyagoo adeegsanayay qalabka dab-damiska ee yaallay xafiisyada, waxaana lagu guuleystay in dabka la xakameeyo ka hor inta aysan goobta soo gaarin ciidamada dab-damiska.
