Soomaaliya, 24 Febraayo 2026 (Dawan)– Guddiga Madaxa Bannaan ee Doorashooyinka Qaranka iyo Soohdimaha (GMDQS) ayaa Talaadadii faray ururrada siyaasadda ee diiwaangashan inay bilaabaan ololaha doorashooyinka goleyaasha deegaanka, isla markaana ay soo gudbiyaan liisaskooda kama dambaysta ah ee musharraxiinta, taas oo muujinaysa bilowga hirgelinta nidaamka doorashada tooska ah ee dowladaha hoose ee dowlad-goboleedyada.
Guddigu wuxuu sheegay inuu soo gabagabeeyay dhammaan howlihii diyaar-garowga doorashooyinka ee ka socday Koonfur Galbeed, Hirshabelle, Galmudug, iyo Waqooyi Bari.
“Guddigu wuxuu si rasmi ah idiinku wargelinayaa in dhammaan howlihii la xiriiray diyaarinta iyo xaqiijinta hannaanka doorashooyinka dowladaha hoose la soo gabagabeeyay,” ayaa lagu yiri qoraal uu guddigu soo saaray.
Degmooyinka la asteeyay ee doorashooyinku ka dhici doonaan ayaa kala ah:
Koonfur Galbeed: Baydhabo, Baraawe, Marka, Afgooye, Wanlaweyn, Buurhakaba, Waajid, Bardaale, Qansaxdheere, iyo Diinsoor.
