Hirshabeelle (Dawan)- Guddiga Madaxa Bannaan ee Doorashooyinka Qaranka iyo Soohdimaha ayaa maanta oo Khamiis ah shaaciyay liiska rasmiga ah ee 35 urur siyaasadeed oo loo oggolaaday inay ka qaybqaataan doorashada isku-sidkan ee ka dhici doonta Dowlad-Goboleedka Hirshabeelle.
Guddiga ayaa sheegay in ururradan ay buuxiyeen shuruudaha iyo habraacyada loo dejiyay ka qaybgalka doorashada, waxaana la filayaa inay ku tartamaan doorashada la qorsheeyay in laga qabto Hirshabeelle.
Shaacinta liiskan ayaa ku soo beegantay iyadoo Guddigu uu sidoo kale qorsheynayo in doorashada isku-sidkan ee Dowlad-Goboleedka Galmudug la qabto 30-ka Luulyo.
