New York (Dawan)- Jabuuti ayaa beesha caalamka ka dalbatay gargaar dheeraad ah iyadoo dad ka soo cararaya colaadda Yemen ay dalkeeda soo gaarayaan. Wasiirka Arrimaha Dibadda Cabdulqaadir Xuseen Cumar ayaa sheegay in tirada dadka iman kara ay gaari karto 10,000, isagoo tixraacay qiyaasaha Qaramada Midoobay. Wasiirka oo ka hadlayay Golaha Guud ee Qaramada Midoobay Sabtidii ayaa sheegay in dadka dhowaan yimid ay culays saarayaan bulshada martigelinaysa ee gobolka Obock iyo awoodda xarunta qaabilaadda ee Markazi.
“Jabuuti keligeed ma dabooli karto baahiyaha sii kordhaya ee hoyga, cuntada iyo adeegyada aasaasiga ah,” ayuu yiri Cumar, isagoo ku baaqay in taageerada caalamiga ah la kordhiyo.
