Jabuuti (Dawan)— Dowladda Jabuuti ayaa cambaareysay laba weerar oo shalay lagu bartilmaameedsaday xarumo ku yaalla garoonka diyaaradaha King Khalid ee magaalada Riyadh, kuwaas oo sababay dhimashada muwaadiniin Sacuudiyaan ah, dhaawaca dad kala jinsiyado ah iyo burbur hantiyeed, sida ay sheegtay Wakaaladda Wararka Jabuuti (ADI).
Wasaaradda Arrimaha Dibadda iyo Iskaashiga Caalamiga ah ee Jabuuti ayaa sheegtay in weerarradu ay xadgudub ku yihiin madax-bannaanida Sacuudiga, sharciga caalamiga ah iyo Axdiga Qaramada Midoobay.
Dowladda Jabuuti ayaa tacsi tiiraanyo leh u dirtay dowladda iyo shacabka Sacuudiga, iyo qoysaska dadkii ku dhintay weerarrada, iyadoo sidoo kale u rajeysay dadka dhaawacmay inay si degdeg ah u bogsadaan.
