Muqdisho (Dawan) – Wasiir Dowlaha Wasaaradda Qoyska iyo Horumarinta Xuquuqul Insaanka Soomaaliya, Maxamed Cismaan Naastaro, ayaa shalay Muqdisho ka daahfuray mashruuc lagu taageerayo xarumaha agoonta, kaas oo diiradda saaraya baahiyaha aasaasiga ah iyo dayactirka goobaha lagu daryeelo carruurta, sida ay sheegtay Wasaaradda Qoyska iyo Horumarinta Xuquuqul Insaanka JFS.
Mashruuca waxaa fulinaya Xarunta Boqor Salmaan iyo Mu’asasada Mahasin, waxaana loogu talagalay in lagu xoojiyo daryeelka, ilaalinta iyo tayada nololeed ee carruurta agoonta ah.
Taageerada mashruuca ayaa la filayaa inay gacan ka geysato daboolidda qaar ka mid ah baahiyaha muhiimka ah ee carruurta, isla markaana lagu hagaajiyo xarumaha ay ku nool yihiin.
