Muxuu caleema-saarka hoggaanka Waqooyi Bari la gaaryahay?

Caleema-saarkan ayaa imaanaya kadib bilooyin dagaal ah oo ay gacanta ku haynta magaalada isku haysteen dadka deegaanka iyo Somaliland, iyada oo ciidamada Somaliland ugu dambeyn laga saaray magaalada 2023, lana dhisay maamul kumeel gaar ah. Tani waxay ka dhigan tahay in Laascaanood hadda si rasmi ah ugu hoos jirto Maamulka Waqooyi Bari oo ka tirsan dowladda federaalka, xilli Somaliland ay wajahaysaa cadaadis siyaasadeed iyo su’aalo la xiriira aqoonsiga Israa’iil

4. Xasan iyo Xamse oo wada jira:

Mudo ka badan saddex sano, tani waa markii ugu horreysay ee Madaxweyne Xasan iyo Ra’iisul Wasaare Xamse Cabdi Barre ay si wadajir ah uga qeyb galaan xaflad caleema-saar. Tani waxay muujineysaa mudnaanta ay dowladda dhexe siineyso Maamulka Waqooyi Bari iyo sida uu muhiim ugu yahay qorshaha federaalka.

5. Sumadda gobollada Waqooyi:

Muddo ka badan 30 sano, Somaliland waxay ku doodeysay in gobollada waqooyi ay xaq u leeyihiin in ay ka go’aan Soomaaliya inteeda kale. Dhismaha Maamulka Waqooyi Bari, oo ka mid ah gobolladaas haddan ka tirsan Dowladda Federaalka, ayaa si weyn u beddelaya xisaabtaas, isagoo hoos u dhigaya doodda go’itaanka ee Somaliland, xilli caalamku uu indhaha ku hayo aqoonsiga Israa’iil ee Somaliland.

Caleema-saarkan waxaa loo arkaa dhacdo taariikhi ah oo muhiimad siyaasadeed iyo mid istaraatiiji ahba leh, maadaama uu muujinayo xoojinta federaalka, midnimada dalka, iyo sida dowladda dhexe ay uga go’an tahay dhismaha dowlad-goboleedyada cusub ee dalka.