Jeddah (Dawan) – Ururka Iskaashiga Islaamka ee OIC ayaa cambaareeyay furitaanka safaaradda Somaliland ee magaalada Qudus, wuxuuna sheegay in tallaabadaas ay tahay mid sharci-darro ah oo jabineysa Axdiga Qaramada Midoobay iyo qaraarrada caalamiga ah ee khuseeya.
Bayaan kasoo baxay Xoghaynta Guud ee ururka maanta oo 15-ka Juun, ayaa lagu sheegay in Qudus ay tahay magaalo la haysto, isla markaana Israel aysan lahayn madax-bannaani sharci ah oo ku saabsan magaaladaas.
Ururka ayaa sheegay in dhammaan go’aannada iyo tallaabooyinka lagu doonayo in lagu beddelo maqaamka siyaasadeed iyo sharciyeed ee Qudus ay yihiin kuwo “baadil ah” marka loo eego sharciga caalamiga ah.
