Boosaaso 17 December 2025 (Dawan)- Magaalada Boosaaso ee Dowlad Goboleedka Puntland ayaa la qorsheynaya in laga hirgeliyo mashruuc ballaaran oo tamarta laga dhaliyo qorraxda ah, kadib markii Gudiga Agaasimayaasha Sanduuqa Horumarinta Afrika uu ansixiyay $23.36 milyan . Maalgelintan waxay ka kala imaaneysa Sanduuqa Horumarinta Afrika oo bixinaya 9.62 milyan iyo Xarunta Taageerada Kala-guurka oo bixineysa $13.74 milyan.
Mashruucan ayaa xoogga saaraya dayactirka iyo ballaarinta shabakadda korontada ee Boosaaso iyo xoojinta shirkadaha koronta si loo soo saaro tamar nadiif ah oo ay awoodo cid walba. Waxaa sidoo kale la rakibi doonaqalab casri ah oo ka qeyb qaata ballaarinta shabakadda iyo soo saarista tamarta qorraxda si qoysaska iyo ganacsiyada yar-yar ee magaalada ay uga faa’iideystaan.
Qorshahan waxaa kaa faa'ideysan doona qoysaska aan horey u haysan koronto, oo ay ku jiraan dadka barakacayaasha ah ee ku nool xaaladaha adag.
