Jabuuti (Dawan) – Ra’iisul Wasaarihii muddda xileedki dhamaaday ee Madaxweyne Geelle Cabdulqaadir Kaamil Mamamed, ayaa mar kale loo magacaabay xilka Ra’iisul Wasaaraha Jamhuuriyadda Jabuuti, shan maalmood kadib caleema-saarka Madaxweyne Ismaaciil Cumar Geelle oo dib loo doortay 10-kii Abriil.
Sida ay sheegtay Wakaaladda Wararka Jabuuti ee ADI, Cabdulqaadir Kaamil ayaa sheegay inuu si go’aan leh u aqbalay kalsoonida uu mar kale siiyay Madaxweynaha Jamhuuriyadda Jabuuti, si uu u sii wado shaqada Ra’iisul Wasaaranimada.
Ra’iisul Wasaaruhu wuxuu sheegay in xilligan ay dunidu mareyso marxalad xasaasi ah, isla markaana xasilloonida, midnimada iyo aragti fog ay muhiim u yihiin horumarka dalka.
“Dalkeennu wuu horumarayaa, sababtoo ah wuu garanayaa halka uu u socdo,” ayuu yiri Cabdulqaadir Kaamil, isagoo intaas ku daray in Jabuuti ay ku dhisan tahay ilaalinta madax-bannaanideeda, karaamadeeda iyo aayaheeda qaran.
