Cali Guudlaawe oo taageerayaashiisa ugu baaqay inay u codeeyaan JSP 30-ka Sebteembar

Jowhar (Dawan)- Madaxweynaha Hirshabeelle, Cali Cabdullaahi Xuseen Guudlaawe, ayaa taageerayaashiisa ugu baaqay inay 30-ka Sebteembar codkooda siiyaan Ururka Caddaaladda iyo Wadajirka (JSP). Guudlaawe ayaa axadii baaqan ka jeediyey isu-soo-bax ay sameeyeen taageerayaasha JSP, isaga oo shacabka ku nool degmooyinka Hirshabeelle ka codsaday inay maalinta doorashada u soo baxaan goobaha codbixinta.

Wuxuu shacabka xusuusiyey in JSP uu ku tartamayo lambarka 15, astaantiisuna tahay shimbirta cagaaran, isaga oo taageerayaasha ku boorriyey inay codkooda ku garab istaagaan xisbiga iyo hankiisa siyaasadeed.

“Xisbiga JSP u codeeya, xisbiga JSP u hiiliya, anigana ii hiiliya,” ayuu yiri Guudlaawe.

Madaxweynaha Hirshabeelle, Cali Guudlaawe, ayaa shacabka ugu baaqay inay 30-ka Sebteembar codkooda siiyaan Ururka Caddaaladda iyo Wadajirka (JSP), oo ku tartamaya lambarka 15 iyo astaanta shimbirta cagaaran.

Cali Guudlaawe ayaa sheegay in taageerada loo muujiyo JSP ay qayb ka tahay dadaalka xisbigu ugu jiro inuu saameyn ku yeesho goleyaasha deegaanka iyo wakiillada lagu dooranayo codbixinta 30-ka Sebteembar. JSP ayaa Guudlaawe u doortay musharraxiisa hoggaanka Hirshabeelle, taas oo u oggolaaneysa inuu mar kale u tartamo xilka hoggaamiyaha dowlad-goboleedka.

Guudlaawe ayaa uga mahadceliyey Madaxweynaha Soomaaliya ahna guddoomiyaha JSP, Xasan Sheekh Maxamuud, kalsoonida uu mar kale ku siiyey inuu xisbiga ku metelo tartanka hoggaanka Hirshabeelle.

Baaqa Guudlaawe ayaa imanaya xilli ururrada siyaasadeed ay xoojinayaan ololahooda, maalmo ka hor doorashooyinka lagu wado inay 30-ka Sebteembar ka dhacaan deegaannada Hirshabeelle.

Cali Guudlaawe oo taageerayaashiisa ugu baaqay inay u codeeyaan JSP 30-ka Sebteembar

Jabuuti oo saraakiisha kastamka ku tababareysa xeerarka asalka badeecadaha

Maxay tahay digniinta ay Jabuuti kasoo saartay colaadda Itoobiya ?

Digniin laga soo saaray saamaynta wasakhowga wabiyada Soomaaliya

SoDMA oo Jubbaland ku wareejisay matoorro wax looga qabanayo fatahaadaha roobabka

Maqaallo La Xidhiidha

Maxaa sababay inuu hakad galo gulufkii dagaalka 2022 ee ka dhanka ahaa Al-Shabaab?

Jabuuti oo olole ballaaran uga hortageysa fatahaadaha ka dhasha El Niño

Dagaal culus oo Baydhabo ka socda iyada oo dhinacyadu ay si kala duwan uga hadleen

Qaybaha

Qoraallo Cusub

Maxaa Soomaaliya uga qorshaysan saldhigga ciidanka ee la sheegay in Israa’iil ka dhisayso Berbera?

Jabuuti oo saraakiisha kastamka ku tababareysa xeerarka asalka badeecadaha

Cali Guudlaawe oo taageerayaashiisa ugu baaqay inay u codeeyaan JSP 30-ka Sebteembar