Dowladda oo sheegtay in la soo badbaadiyay dad u afduubnaa AS

Muqdisho (Dawan ) – Dowladda Soomaaliya ayaa sheegtay in Ciidanka Xoogga Dalka Soomaaliyeed, gaar ahaan Kumaandooska Danab, ay sagaal qof ka soo badbaadiyeen kooxda Al-Shabaab, xilli ay sidoo kale dileen shan dagaalyahan.

War-saxaafadeed ka soo baxay Wasaaradda Gaashaandhigga Soomaaliya ayaa lagu sheegay in howlgalka uu ka dhacay degmada Gamboole ee gobolka Shabeellaha Dhexe, halkaas oo kooxda ay ku heysteen 9 qof oo ay dowladda sheegtay in la afduubay.

Wasaaradda ayaa sheegtay in intii uu howlgalka socday ay ciidamada dileen shan xubnood oo ka tirsan Al-Shabaab, oo uu ku jiray qof ay dowladda ku tilmaantay horjooge ka tirsan kooxda.

"Intii uu howlgalka socday, ciidamada ayaa ku guuleystay inay dib xorriyaddooda ugu soo celiyaan sagaal qof oo ay afduub u haysteen argagixisadu, iyagoo sidoo kale dilay shan xubnood oo ka tirsanaa Khawaarijta, oo uu ku jiray horjoogihii kooxda" ayay Wasaaraddu ku tiri, war-saxaafadeedka.

Qoraalka dowladda ayaa diiradda saaray in ujeeddada howlgalka ay ahayd badbaadinta dadka rayidka ah ee la afduubtay, isla markaana lagu wiiqayo dhaqdhaqaaqyada Al-Shabaab ee ka dhanka ah shacabka ku nool deegaannada Shabeellaha Dhexe.

Dowladda Soomaaliya ayaa sheegtay in howlgalka uu qayb ka yahay dadaallada amni ee lagu xoojinayo nabadgelyada, laguna sii wadi doono howlgallada ka dhanka ah Al-Shabaab.

Dowladda oo sheegtay in la soo badbaadiyay dad u afduubnaa AS

Soomaaliya oo laga xusay Maalinta Caalamiga ah ee Sonkorowga

Jaamacadda Ummadda Soomaaliyeed iyo Dawan Media oo ka wada hadlay iskaashi dhinaca saxaafadda ah

In ka badan 40 shirkadood oo Soomaaliyeed oo suuq ka raadinaya Shiinaha

Itoobiya iyo Turkiga oo ka wada hadlay xoojinta xiriirkooda kahor shirka COP31

Maqaallo La Xidhiidha

Jabuuti oo gaartay marxaladda ugu dambeysa ee dib-u-eegista xeerka shaqada

Maxay yihiin qodobada ugu muhiimsan wararka Dawan ee maanta?

Ramla Cali oo markii ugu horreysay ku guuleysatay horyaalka feerka adduunka