Shabeellaha Dhexe (Dawan) – Wasaaradda Gaashaandhigga Soomaaliya ayaa sheegtay in ugu yaraan 26 xubnood oo ka tirsan Al-Shabaab lagu dilay duqeymo ka dhacay deegaannada Cadow Jilib, Gayfo iyo Qordheere ee gobolka Shabeellaha Dhexe.
War-saxaafadeed ay wasaaraddu soo saartay ayaa lagu sheegay in duqeymaha ay fuliyeen Ciidanka Xoogga Dalka Soomaaliyeed iyagoo kaashanaya saaxiibada caalamka, kuwaas oo lagu bartilmaameedsaday goobo ay ku sugnaayeen xubnaha Al-Shabaab.
Sidoo kale, Wasaaradda ayaa sheegtay in duqeymaha lagu burburiyay gaari nooca Cabdibilaha ah iyo booyad shidaal, kuwaas oo Al-Shabaab ay u adeegsanayeen dhaqdhaqaaqyadooda iyo fulinta weerarro.
