Asmara (Dawan) – Dowladda Eritrea ayaa sii wadda dadaallada lagu xoojinayo doorka haweenka ee horumarka bulshada iyo adkeysiga qaranka, kadib seminar loo qabtay haweenka ka tirsan Ciidamada Difaaca Eritrea, sida ay sheegtay Wasaaradda Warfaafinta Eritrea.
Seminaarkan oo lagu qabtay xerada Denden 15-ka May ayaa waxaa hoggaamineysay Madaxweynaha Ururka Qaranka Haweenka Eritrea, Tekea Tesfamicael, waxaana diiradda lagu saaray “Doorka Haweenka Eritrea ee Adkeysiga iyo Horumarka.”
Tekea Tesfamicael ayaa sheegtay in jabhaddii EPLF ay dadaal xooggan gelisay xaqiijinta sinnaanta haweenka intii lagu jiray halgankii xornimada, taas oo horseeday aas-aaska Ururka Qaranka Haweenka Eritrea sanadkii 1979.
Waxay sidoo kale sheegtay in haweenka Eritrea ay intii lagu jiray halgankii xornimada heleen fursado waxbarasho, tababaro siyaasadeed iyo xirfadeed, taas oo u suuragelisay inay ka qeyb qaataan dhammaan dhinacyadii halganka, oo ay ku jiraan hoggaaminta ciidamada.
