Muqdisho (Dawan) - Hay’adda Maareynta Musiibooyinka Soomaaliya ayaan isku dayin inay wadahadal toos ah la yeelato Al-Shabaab si loo fududeeyo gaarsiinta gargaar bani’aadamnimo, sida uu sheegay guddoomiyaha hay’adda. Maxamuud Macallin Cabdulle, Guddoomiyaha Hay’adda Maareynta Musiibooyinka, ayaa arrintan kaga hadlay wareysi uu siiyay barnaamijka Miizaan ee Dawan Media.
Markii la weydiiyay in hay’addu ay isku dayday inay Al-Shabaab kala hadasho sidii looga wada shaqayn lahaa gaarsiinta raashin, biyo iyo gargaar naf-badbaadin ah, Cabdulle wuxuu ku jawaabay: “Maya.”
Wuxuu sheegay in hay’addu tahay hay’ad dowladeed oo ka shaqaysa arrimaha bulshada iyo gurmadka, iyadoo aan shaqadeedu ahayn arrimo siyaasadeed balse waxa uu sheegay in shabaabku yihiin dad aan kaliya siyaasad ka shaeyn laakin ay yihiin dad wixii kasto oo wanaagsan ay dhibayaan.
Cabdulle wuxuu sheegay in hay’addu ay xoogga saarayso sidii gargaar loo gaarsiin lahaa dadka ku nool meel kasta oo ay suurtagal tahay, gaar ahaan dadka ka barakacay guryahooda, beerahooda iyo xoolahooda.
Wuxuu sheegay in dad badan oo ka soo barakacay fatahaadihii 2023 ay weli ku nool yihiin xeryaha dadka gudaha ku barakacay, isagoo xusay in qaar badan aysan weli dib ugu laaban deegaannadoodii ay alashaba joogeen ayan hay;adad ka shaqeeso inay dadakaas meeshooda ku hayso.
