Cadan, 7 Janaayo 2026 (Dawan)– Golaha Hoggaanka Madaxtooyada Yemen ayaa Arbacadii xilka ka qaaday Hoggaamiyaha Gooni-u-goosadka Koonfurta, Cayduruus Al-Zubaidi, iyo laba wasiir, iyada oo lagu eedeeyay “khiyaano qaran” kadib markii uu Zubaidi ka baxsaday magaalada Cadan, sida ay sheegeen saraakiisha isbahaysiga milatari ee uu hoggaamiyo Sucuudigu.
Go’aankan ayaa yimid ka dib markii Zubaidi uu ka baaqday duulimaad uu u raaci lahaa magaalada Riyadh si looga wada hadlo xasillinta xiisadda Koonfurta Yemen. Golaha ayaa sidoo kale xilka ka qaaday Wasiirkii Gaadiidka, Abdulsalam Humaid, iyo Wasiirkii Qorshaynta, Waed Badhib, kuwaas oo la sheegay inay taageersanaayeen dhaqdhaqaaqa gooni-u-goosadka.
Turki al-Malki, afhayeenka isbahaysiga Sucuudiga, ayaa sheegay in Zubaidi uu abaabulay ciidamo badan oo wata gawaarida gaashaaman iyo hub culus, taasoo keentay in duqaymo cirka ah oo lala beegsaday fariisimaha ciidamadiisa, halkaas oo laga soo sheegay dhimasho iyo dhaawac dhowr ah.
