Imaaraadka oo cambaareeyay weerarro uu ku eedeeyay TPLF, kuna baaqay in dagaalka Itoobiya la joojiyo

Abu Dhabai (Dawan) - Dowladda Imaaraadka Carabta ayaa cambaareeysay weerarro ay ku sheegtay in Jabhadda Xoreynta Shacabka Tigreega (TPLF) iyo isbahaysi hubaysan oo ay ku biirtay ku qaadeen ciidamada federaalka Itoobiya, wuxuuna ku baaqay in colaadda si degdeg ah loo joojiyo.

War ay Wasaaradda Arrimaha Dibadda Imaaraadku soo saartay Jimcihii ayay sidoo kale ku cambaareysay qabsashada garoomo diyaaradeed oo ku yaalla Tigreega iyo xiisadaha militari ee ka jira gobollada deriska la ah ee Canfarta iyo Axmaarada. Wasaaraddu waxay sheegtay in xaaladdu khatar ku tahay midnimada iyo xasilloonida Itoobiya.

Wasiiru-dowlaha Imaaraadka Sheekh Shakhboot bin Nahyan Al Nahyan ayaa muujiyay taageerada dalkiisa ee dowladda Itoobiya, wuxuuna ka soo horjeestay in nidaamka dastuuriga ah xoog lagu beddelo. Wuxuu ku baaqay in rayidka la ilaaliyo, khilaafkana lagu xalliyo wadahadal, lana dhowro heshiiskii Pretoria ee dowladda Itoobiya iyo TPLF ay saxiixeen 2022 si loo soo afjaro dagaalkoodii labada sano socday.

Hadalka Imaaraadka ayaa yimid kadib markii toddobaadkan la shaaciyay isbahaysi ay ku mideysan yihiin toddoba kooxood oo hubaysan oo Itoobiyaan ah, oo ay ku jirto TPLF, kuwaas oo ka soo horjeeda dowladda Ra’iisul Wasaare Abiy Ahmed. Kooxahaasi waxay dowladda ku eedeeyaan inay awoodda isku koobayso oo ay dayacday gobollada dalka.

Imaaraadka oo cambaareeyay weerarro uu ku eedeeyay TPLF, kuna baaqay in dagaalka Itoobiya la joojiyo

Jabuuti oo Ururka Iskaashiga Islaamka ugu baaqday inuu tallaabo ka qaado xaaladaha Falastiin, Suudaan iyo Yemen

Deegaanka Soomaalida oo qorsheeyay inuu $6.2 milyan ka ururiyo canshuurta hantida maguurtada ah

Jabuuti iyo Hong Kong oo ka wada hadlay iskaashi ku saabsan isku xirka gaadiidka badda iyo cirka

Puntland oo sheegtay inay gacanta ku hayso 41 qof oo looga shakisan yahay burcad-badeednimo kadib soo furashada markab shidaal

Maqaallo La Xidhiidha

Maxay yihiin qodobada ugu muhiimsan wararka Dawan ee maanta?

SoDMA iyo WFP oo kala saxiixday heshiis shan sano ah oo lagu xoojinayo diyaar-garowga musiibooyinka

Shan qof oo lagu tuhunsan yahay samaynta lacag been abuur ah oo Jabuuti lagu xiray

Qoraallo Cusub

Soomaaliya oo guul darro la kulantay kulanka furitaanka isreeb-reebka AFCON 2027

Jabuuti oo Ururka Iskaashiga Islaamka ugu baaqday inuu tallaabo ka qaado xaaladaha Falastiin, Suudaan iyo Yemen

Deegaanka Soomaalida oo qorsheeyay inuu $6.2 milyan ka ururiyo canshuurta hantida maguurtada ah

Qaybaha