Jowhar (Dawan) – Madaxweynaha Dowlad Goboleedka Hirshabeelle, Cali Cabdullaahi Xuseen (Cali Guudlaawe), ayaa sheegay in sagaal degmo oo ka tirsan Hirshabeelle loo diyaariyay in ay ka dhacdo doorasho toos ah oo ku saleysan nidaamka qof iyo cod.
Wareysi gaar ah oo uu siiyay barnaamijka Miizaan Podcast ee ka baxa Dawan Media, ayuu madaxweynuhu ku sheegay in illaa toddobo degmo ay si buuxda isu diiwaan geliyeen bulshada ku nool, halka labada degmo ee kalena loo geeyay agabka diiwaangelinta, isla markaana ay si dhakhso ah uga bilaaban doonto isdiiwaangelintu.
“Ilaa sagaal degmo ayaa la rabaa inay doorasho ka dhacdo Hirshabeelle. Toddobo ka mid ah guud ahaan waa isdiiwaangeliyeen bulshada ku nool. Labada kalena agabkoodii ayaa la geeyay, waqti dhow ayay ka bilaabaneysaa isdiiwaangelinta,” ayuu yiri Cali Guudlaawe.