Jaamacadda SIMAD oo deeq waxbarasho u qoondeysay ardayda Suudaan

“Suudaan iyo shacabkeedu waxay Soomaaliya garab istaageen xilliyo adag. Iyadoo loo marayo deeqahan waxbarasho, Jaamacadda SIMAD waxay ku faraxsan tahay inay muujiso isla ruuxdaas iskaashiga iyo garab istaagga ah, iyadoo fursado waxbarasho u abuureysa ardayda Suudaan,” ayuu yiri Cabdikariim.

Jaamacaddu waxay sheegtay in hindisahan uu ka tarjumayo xiriirka soo jireenka ah ee ka dhexeeya shacabka Soomaaliya iyo Suudaan, iyo taageeradii taariikhiga ahayd ee Dowladda iyo shacabka Suudaan ay Soomaaliya u fidin jireen, gaar ahaan xilliyadii ugu adkaa ee dalka.

SIMAD waxay sheegtay in barnaamijku siinayo ardayda Suudaan fursad ay ku sii wataan waxbarashadooda isla markaana ay ku gaaraan himilooyinkooda waxbarasho, heerka koowaad iyo heerka labaadba.

Jaamacaddu waxay sheegtay in hindisaha uu qeyb ka yahay dadaalladeeda ballaaran ee lagu kordhinayo helitaanka waxbarashada sare, iyadoo waxbarashada loo adeegsanayo abuurista fursado, iskaashi goboleed iyo saameyn bulsho oo wanaagsan.