Jabuuti iyo Sacuudiga oo ka wada hadlay ballaarinta iskaashiga dekedaha

Jabuuti (Dawan)– Guddoomiyaha Hay’adda Dekedaha iyo Aagagga Xorta ah ee Jabuuti (APZFD), Abuubaker Cumar Hadi, ayaa Axaddii xafiiskiisa ku qaabilay safiirka Sacuudi Carabiya ee Jabuuti, Matrek Abdullah Al Dosari, iyagoo ka wada hadlay xoojinta isweydaarsiga dhaqaale iyo iskaashiga dekedaha ee labada dal.

Kulanka ayaa diiradda lagu saaray xiriirka dhaqaale ee labada dhinac, isku xirka badda, iyo ballaarinta iskaashiga qaybta dekedaha.

Abuubaker Cumar ayaa ugu baaqay ganacsatada Sacuudiga inay kordhiyaan ganacsigooda Jabuuti, horumariyaan soo dejinta iyo dhoofinta, kuna maalgashadaan dhul ku yaal Aagga Xorta ah ee Jabuuti.

“Aaggani wuxuu si toos ah u gaarsiinayaa Bariga Afrika iyo suuqa ballaaran ee COMESA, oo leh ku dhawaad 600 milyan oo macaamiil ah,” ayuu yiri Aboubaker

Si uu u muujiyo dhowaanshaha labada dal, Hadi wuxuu xusay in safarka badda ee u dhexeeya Jabuuti iyo Jazan uu qaato qiyaastii 24 saacadood, xawaare dhan 14 ilaa 15 knot, halka safarka Jiddah uu qaato ku dhawaad 48 saacadood isla xawaarahaas. Wuxuu sidoo kale soo jeediyay in duulimaadyada toddobaadlaha ah ee u dhexeeya Jabuuti iyo Boqortooyada la gaarsiiyo labo, si loo fududeeyo socdaalka ganacsatada.

Kulanka ayaa ugu dambeyn looga hadlay diyaar-garowga kalfadhiga 8-aad ee Guddiga Wadajirka ah ee Jabuuti iyo Sacuudi Carabiya, oo loo qorsheeyay inuu ka dhaco magaalada Riyaad bisha Diseembar 2026.

Jabuuti iyo Sacuudiga oo ka wada hadlay ballaarinta iskaashiga dekedaha

Tabaarak ICT oo ku guulaysatay biladda Tayada Qaranka, una diyaar garoobaysa abaalmarinta Bariga Afrika

Khayre oo ka digay dhaqdhaqaaq ciidan oo uu sheegay in lagu beegsanayo guryaha madaxdii hore

Golaha Mustaqbalka oo cambaareeyay ciidamo uu sheegay in la dul dhigay hoyga Sheekh Shariif

Dowladda Soomaaliya oo mucaaradka ku eedaysay inay marmarsiiyo u raadinayaan sameysashada maleeshiyaad

Maqaallo La Xidhiidha

Maxay yihiin qodobada ugu muhiimsan wararka Dawan ee maanta?

NISA oo Ciidan taabacsan Shariif Sheekh Axmed ku eedeysay weerarro ka dhan ah Ciidamada Amniga

Muxuu Sheekh Shariif uga jawaabay eedeynta NISA ee ah in Ciidankiisu weerareen Ciidamada Amniga?

Qaybaha

Qoraallo Cusub

Tabaarak ICT oo ku guulaysatay biladda Tayada Qaranka, una diyaar garoobaysa abaalmarinta Bariga Afrika

Khayre oo ka digay dhaqdhaqaaq ciidan oo uu sheegay in lagu beegsanayo guryaha madaxdii hore

Jabuuti iyo Sacuudiga oo ka wada hadlay ballaarinta iskaashiga dekedaha