Jabuuti (Dawan)— Booliiska Jabuuti ayaa xiray nin lagu eedeeyay inuu dhowr jeer mindi kaga dhuftay caloosha iyo dhabarka gabar uu xiriir kala dhaxeeyay, kadib markuu ka maseeray, sida ay sheegtay Wakaaladda Wararka Jabuuti ee ADI.
Dhacdadan ayaa lasoo weriyay inay ka dhacday fiidkii 28-kii Luulyo, meel u dhow goob lagu iibiyo rootiga oo ku taalla deegaanka Hodan ee magaalada Jabuuti, halkaas oo gabadha laga helay iyadoo dhiigbaxaysa kaddib markii dhowr jeer mindi looga dhuftay caloosha iyo dhabarka.
Gabadha ayaa loo qaaday Isbitaalka Cheiko, halkaas oo lagu sameeyay qalliin. Warbixintu waxay sheegtay inay markii dambe kasoo kabatay qalliinka.
