Jabuuti oo loo doortay martigelinta shir caalami ah oo la xiriira waxbarashada

Mas’uuliyiinta ayaa sheegay in doorashadan ay muujinayso kalsoonida ay dalalka xubnaha ka ahi ku qabaan Jabuuti, iyo aqoonsiga ay u hayaan dadaalladeeda ku aaddan horumarinta waxbarashada iyo xoojinta iskaashiga waddamada ku hadla Af-Faransiiska.

Wafdi ka socday Jabuuti oo ay hoggaaminaysay Ayan Cismaan Abraar, oo ah la-taliye farsamo oo ka tirsan Wasaaradda Waxbarashada isla markaana ah wakiilka qaranka ee CONFEMEN, ayaa ka qayb galay kulanka.

CONFEMEN, oo la aasaasay sannadkii 1960-kii, waxaana ku mideysan wasiirrada waxbarashada ee 41 dowladood iyo dowlad-goboleedyo ku hadla Af-Faransiiska, waxayna kulmaan labadii sanaba mar si ay uga wada hadlaan siyaasadaha waxbarashada iyo iskaashiga.