Jabuuti (Dawan) - Jabuuti ayaa noqotay dalkii 72-aad ee saxiixa Heshiisyada Artemis, oo dejinaya mabaadi’da iskaashiga iyo sahaminta nabadeed ee Dayaxa, Mars iyo meelo kale oo hawada sare ah. Waa dalkii siddeedaad ee Afrika ah ee ku biira heshiisyada, sida ay warisay wakaalada wararka Jabuuti.
Danjiraha Jabuuti ee Mareykanka, Maxamed Siyaad Ducaale, ayaa heshiisyada u saxiixay dalkiisa Isniintii, 14-kii Sebtembar, xaflad lagu qabtay xarunta NASA ee Washington. Waxaa ka qaybgalay ku-xigeenka madaxa NASA, Matt Anderson, iyo Kaaliyaha Xoghayaha Arrimaha Dibadda ee Mareykanka u qaabilsan Afrika, Frank Garcia.
