Jabuuti oo xoojisay dagaalka ka dhan ah kooxaha dembiyada ka geysta caasimaada

Bayaan ka soo baxay ciidamada ayaa sidoo kale lagu sheegay in dadka la xiray ay ku jiraan koox lagu eedeeyay inay ku takhasustay xatooyada gaadiidka.

Mas’uuliyiinta ammaanka ayaa sheegay in dadka ku lugta leh kiisaska dambiyada loo taxaabay xabsiga si loo sii wado baaritaannada, halka ajaaniibta sharci darrada ku joogtay dalka dib loogu celiyay dalalkooda.

Jabuuti ayaa bilihii lasoo dhaafay kordhisay howlgallada ammaanka iyo roondooyinka laga sameynayo qaar kamid ah xaafadaha caasimadda, iyadoo ay jireen walaacyo la xiriira kororka dambiyada yaryar iyo kuwa dhexe.

Ciidamada ammaanka ayaa sheegay inay sii wadi doonaan howlgalada lagu xoojinayo amniga iyo xasilloonida magaalada, iyadoo la adkeynayo tallaabooyinka ka dhanka ah dambiyada kala duwan ee ka dhaca caasimadda.