Jubbaland (Dawan) — Dowladda Goboleedka Jubbaland ayaa sheegay in ciidankeeda Hay’adda Sirdoonka iyo Nabad-sugidda Jubbaland ay howlgal ay ka fuliyeen gobolka Jubada Hoose ku dileen 60 xubnood oo ka tirsan kooxda Al-Shabaab.
Sida lagu sheegay war-saxaafadeed ka soo baxay Jubbaland, howlgalka oo socday afar maalmood ayaa ka dhacay degmada Badhaadhe, halkaas oo ciidamada ay sheegeen inay ku fashiliyeen weerarro iyo isku-dayo ay kooxdaasi damacsanayd.
Ciidanka ayaa sidoo kale sheegay in lagu burburiyay keydkii qaraxyada, xarumihii saadka, isgaarsiinta, iyo bakhaarradii hubka ee ay ku lahaayeen deegaanka.
