Maamulka Gobolka Banaadir oo beeniyay eedeymo qasab oo loo jeediyey .

Somalia, 9 Noofembar 2025 — Maamulka Gobolka Banaadir ayaa beeniyay eedeymo uu soo jeediyay Guddiga Madaxa-bannaan ee Doorashooyinka iyo Xuduudaha Qaranka (INEBC) oo sheegay in qaar ka mid ah shaqaalaha gobolka lagu cadaadiyay inay ku biiraan ururro siyaasadeed.

Maamulka ayaa war-saxaafadeed ku sheegay in uusan wax lug ah ku lahayn arrin noocaas ah, isagoo eedeymaha ku tilmaamay kuwo aan sal lahayn. Wuxuu xusay in maamulka uu weli ku taagan yahay mabda’a dimuqraadiyadda, nidaamka xisbiyada badan, iyo xorriyadda muwaadiniinta ee ay ku go’aansan karaan cidda ay siyaasaddeeda taageerayaan.

“Maamulka G/Banaadir waxa uu qaatay kaalin ku kooban dhiirrigelinta ololaha wacyigelinta dadweynaha ee isdiiwaangelinta codbixiyayaasha, waana waajib qaran oo aan ku garab-siinaynay GMDQ.,” ayaa lagu yiri bayaanka, iyadoo lagu daray in eedeymo noocan ah ay tahay in loo maro hannaan sharci ah ka hor inta aan bulshada lala wadaagin.

Horey, Guddoomiyaha Guddiga Doorashooyinka Qaranka, Cabdikariin Axmed Xasan, ayaa sheegay in guddiga uu helay cabashooyin ka yimid laba kooxood oo ka tirsan shaqaalaha Gobolka Banaadir, kuwaas oo sheegay in loo soo diray farriimo iyo xiriiriyayaal (links) loogu sheegayo inay ku biiraan ururro siyaasadeed. Wuxuuna xusay in tallaabo kasta oo caynkaas ah ay tahay mid ka hor imaanaysa sharciga dalka, maadaama shaqaalaha rayidka ah aan loo ogolayn inay ku lug yeeshaan ururro siyaasadeed.

Qaybaha

Qoraallo Cusub

Ra’iisul Wasaaraha Soomaaliya iyo safiirka Qatar oo ka wadahadlay ka jawaabista abaarta dalka

Warfaafinta Somaliland oo Shaqada Iska Casilay ka Dib Baajintii Xuska Buugga Xeer Ciise

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

Maamulka Gobolka Banaadir oo beeniyay eedeymo qasab oo loo jeediyey .

Ra’iisul Wasaaraha Soomaaliya iyo safiirka Qatar oo ka wadahadlay ka jawaabista abaarta dalka

Warfaafinta Somaliland oo Shaqada Iska Casilay ka Dib Baajintii Xuska Buugga Xeer Ciise

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

DDS oo xiraysa goobaha Caafimaad ee aan ruqsadda lahayn

Maqaallo La Xidhiidha

Madaxweynaha Somaliland oo Joojiyey Munaasabadda Xeer-Ciise

Madaxweyne Cirro Oo Amray In Ciidamada Laga Saaro Borama

Somaliland oo Dowladda Soomaaliya Ku Eedeysay Hurinta Rabshadaha Ka Socda Boorama.