Muqdisho (Dawan) — Madasha Samatabixinta oo ah madal mucaarad aha ayaa si adag uga hortimid hannaanka loo wado doorashada guddoomiyaha Golaha Shacabka ee Baarlamaanka Soomaaliya, oo la filayo inay berri ka dhacdo xarunta Baarlamaanka ee Muqdisho.
Madasha ayaa maanta qabatay shir jaraa’id, iyadoo sheegtay inaysan taageersanayn doorashada, isla markaana ay walaac ka qabto habka loo maamulayo hannaanka doorashada.
Xoghayaha Guud ee Xisbiga Himilo Qaran, ahna xildhibaan ka tirsan Madasha Samatabixinta, Yuusuf Xuseen Gama’diid, oo akhriyey go’aannada Madasha, ayaa sheegay in xogta ay heleen ay muujinayso in doorashada berri ay tahay mid “hal dhinac ah”.
Gama’diid ayaa sidoo kale ku eedeeyay Madaxtooyada Soomaaliya inay faragelin ku sameysay tartanka, isagoo sheegay in qaar ka mid ah xildhibaannada doonayay inay u tartamaan xilka guddoomiyaha Golaha Sbhacabka laga hor istaagay inay is-sharaxaan ama is-diiwaangeliyaan.