Madaxweyne Geelle oo farriin ka helay dhiggiisa Mauritania

Wuxuu sheegay in wada-hadalladu ay muujiyeen isku soo dhowaanshaha mowqifyada labada dal, gaar ahaan doorka Ururka Iskaashiga Islaamka ee xoojinta iskaashiga iyo isku-duwidda diblomaasiyadeed ee dalalka xubnaha ka ah.

Kulanka waxaa dhinaca Jabuuti kaga qeyb galay Wasiirka Arrimaha Dibadda iyo Iskaashiga Caalamiga ah, Cabdulqaadir Xuseen Cumar, oo ammaanay heerka xiriirka saaxiibtinimo iyo iskaashi ee u dhexeeya labada dal iyo labada shacab.

Wasiirka ayaa sidoo kale adkeeyay in Jabuuti ay ka go’an tahay sii xoojinta xiriirka iskaashi iyo wada-shaqeynta ay la leedahay Mauritania.

Dhinaca Mauritania, waxaa kulanka goob joog ahaa Ismaaciil Ould Sheekh Axmed, Wasiirkii hore ee Arrimaha Dibadda Mauritania ahna musharraxa dalkaasi u taagan xilka Xoghayaha Guud ee Ururka Iskaashiga Islaamka.

Kulankan ayaa ku soo aadaya xilli ay sii xoogeysanayaan xiriirka iyo iskaashiga u dhexeeya Jabuuti iyo Mauritania, iyadoo labada dal ay muujinayaan rabitaan ay ku xoojinayaan isku-duwidda mowqifyadooda ku aaddan arrimaha gobolka iyo kuwa caalamiga ah.