Qaahira (Dawan) – Dowladda Masar ayaa si adag uga digtay tallaabada ay Somaliland ku dooneyso inay safaarad uga furato magaalada Qudus, waxayna canbaareyn dusha uga tuurtay maamulka Somaliland oo ay ku tilmaamtay inuu qaaday dariiq aan sharci ahayn.
Wasaaradda Arrimaha Dibadda Masar ayaa sheegtay in tallaabadan ay tahay xadgudub cad oo ka dhan ah sharciga caalamiga ah iyo go’aannada Qaramada Midoobay ee la xiriira xaaladda magaalada Qudus, iyadoo carrabka ku adkaysay in Bariga Qudus uu yahay dhul Falastiin oo la haysto tan iyo sanadkii 1967.
Masar ayaa sidoo kale ku celisay diidmadeeda buuxda ee dhammaan tallaabooyinka hal dhinac ah ee lagu doonayo in lagu sharciyeeyo xaalado ka hor imanaya sharciga caalamiga ah, isla markaana lagu beddelo xaqiiqada taariikhiga ah iyo sharciga ah ee magaalada Qudus.
