Maxkamadda Racfaanka oo laashay xukunkii saddexda sano ahaa ee Sacdiyo Macallin

Muqdisho (Dawan)– Maxkamadda Racfaanka Gobolka Banaadir ayaa laashay xukun saddex sano oo xarig ah oo hore loogu riday Sacdiyo Macallin, waxayna amartay in xorriyaddeeda loo celiyo, sida uu qareenkeedu maanta oo Arbaco ah u sheegay warbaahinta.

Maxkamadda Gobolka Banaadir ayaa hore Sacdiyo ugu xukuntay saddex sano oo xarig ah, iyadoo loo cuskanayay qodobka 269(2) ee Xeerka Ciqaabta.

Qareenkeeda ayaa sheegay in dacwaddu la xiriirisay eedeyn ku saabsan inay aflagaaddaysay ama sumcad-dishay hay’adaha dowladda.

Qareenka ayaa sheegay in Maxkamadda Racfaanku ay go’aamisay inaan la helin wax caddeyn ah oo muujinaysa in Sacdiyo ay aflagaaddaysay ama sumcad-dishay booliska Soomaaliyeed.

Go’aanka maxkamaddu wuxuu meesha ka saaray xukunkii hore, wuxuuna Sacdiya u saamaxayaa inay dib ula midoowdo qoyskeeda, sida uu qareenku sheegay.

Sacdiyo ayaa ku dhowaad afar bilood ku jirtay xabsi, kahor inta aysan Maxkamadda Racfaanku laalin xukunkii saddexda sano ahaa, amarna ku bixin in la sii daayo.

Qareenka ayaa sheegay in Sacdiyo iyo kooxdeeda difaacu ay racfaan ka qaateen xukunkii hore, isla markaana ay Maxkamadda Racfaanka horgeeyeen caddeymo iyo dooddo sharciyeed. Wuxuu intaas ku daray in maxkamaddu ay markii hore aqbashay sababaha racfaanka, kahor inta aysan dhageysan doodaha iyo caddeymaha labada dhinac.

Sida uu qareenku sheegay, Sacdiyo waxay ku adkaysatay inaysan gelin wax dembi ah, halka kooxdeeda difaacuna ay soo bandhigtay caddeymo taageeraya mowqifkeeda.

Xafiiska xeer-ilaalintu wuxuu xaq u leeyahay inuu go’aanka Maxkamadda Racfaanka uga dacwoodo Maxkamadda Sare ee Soomaaliya, ayuu yiri qareenku, isagoo intaas ku daray in kooxda difaacu ay sii wadi doonto matalaadda Sacdiyo haddii kiisku u gudbo heerka xiga.

Maxkamadda Racfaanka oo laashay xukunkii saddexda sano ahaa ee Sacdiyo Macallin

Imisa arday ayaa ka qalin-jabisay Machadka Daraasaadka Amniga?

Jabuuti oo gargaar dib-u-dhis guryaha ah gaarsiisay 450 qoys oo ay saameeyeen dabaylo xooggan

Soomaaliya iyo Qadar oo sahaminaya fursadaha maalgashi ee dhinacyada muhiimka ah

Soomaaliya oo bilowday diyaarinta istaraatiijiyad qaran oo ku saabsan isdhexgalka dhaqaale ee gobolka

Maqaallo La Xidhiidha

Qodobada ugu muhiimsan ee Wararka Dawan

Jaamacadda SIMAD oo deeq waxbarasho u qoondeysay ardayda Suudaan

NISA: 7 xubnood oo Al-Shabaab ah ayaa lagu dilay howlgal ka dhacay Shabeellaha Hoose

Qoraallo Cusub

Imisa arday ayaa ka qalin-jabisay Machadka Daraasaadka Amniga?

Maxkamadda Racfaanka oo laashay xukunkii saddexda sano ahaa ee Sacdiya Macallin

Jabuuti oo gargaar dib-u-dhis guryaha ah gaarsiisay 450 qoys oo ay saameeyeen dabaylo xooggan

Qaybaha