Muqdisho (Dawan)-Wasaaradda Maaliyadda Soomaaliya ayaa Muqdisho ku qabatay kulan wadatashi ah oo qeyb ka ah diyaarinta miisaaniyadda dowladda ee sanadka 2027. Kulanka ayaa lagu soo bandhigay qorshayaasha miisaaniyadda ee sanadka soo socda, iyadoo la sheegay in diiradda la saarayo kordhinta dakhliga gudaha, kobcinta dhaqaalaha iyo xoojinta isku-filnaanshaha dhaqaale ee dowladda.
Agaasime ku-xigeenka Waaxda Miisaaniyadda ee Wasaaradda Maaliyadda ayaa ka hadlay marxaladaha ay marto diyaarinta miisaaniyadda, oo ay ka mid yihiin wadatashiyada dadweynaha iyo hay’adaha dowladda, soo gudbinta qorshayaasha miisaaniyadeed iyo ansixinta hay’adaha dastuuriga ah.
