Muqdisho (Dawan) – Madaxweynihii hore ee Soomaaliya, Shariif Sheekh Axmed, ayaa sheegay in bannaanbaxa maanta lagu wado inuu ka dhaco Muqdisho, kaas oo looga soo horjeedo ficillo ay mucaaradku ku dhaliilayaan dowladda in lagu qaban doono hal goob oo keliya, taas oo ah garoonka ciyaaraha ee Eng Yariisow.
Shariif Sheekh Axmed ayaa sheegay in go’aankan la qaatay kadib markii la tixgeliyay xaalado kala duwan, isaga oo shacabka Muqdisho ugu baaqay in dadka doonaya inay ka qeybqaataan bannaanbaxa ay isugu yimaadaan garoonka.
“Waxaan go’aansannay in mudaaharaadku ka dhaco hal meel, halkaasna ay noqoto Stadium Konis,” ayuu yiri Shariif Sheekh Axmed.
