Nairobi(Dawan) - Kadib banaanbaxyo rabshado watay oo dhacay labo toddobaad ka hor, Kenyanku hadda waxay isu diyaarinayaan dibadbaxyo cusub oo Saba Saba ah oo lagaga soo horjeedo xukuumadda Madaxweyne William Ruto.
Qaar badan oo kamid ah iskuulada ayaa lagu wargeliyay in ay xiran doonaan Isniinta 7-da Luulyo 2025, si carruurta guryaha ugu sugaadaan iyadoo cabdi laga qabo qabo dibadbaxyo waa weyn.
Saba Saba – oo macnaheedu yahay “Toddoba Toddoba” af-Sawaaxili – waa mid kamid ah maalmaha ugu muhiimka badan taariikhda dimoqraadiyadda Kenya. Waxaa la xusaa 7-da Luulyo sanad kasta si loo xusuusto kacdoonkii shacabka ee dhacay 1990, kaasoo horseeday in Kenya ka gudubto nidaam hal xisbi oo kaliya ah una gudubto dimuqraadiyad xisbiyo badan.
Saba Saba waxay tilmaamaysaa maalintii 7-da Luulyo, 1990, oo ay mudaharaadyo ballaaran ka dhaceen guud ahaan Kenya. Banaanbaxyadaas oo ay hoggaaminayeen siyaasiyiin iyo bulshada rayidka ah ayaa sababay in la bilaabo isbeddello siyaasadeed oo horseeday nidaam dimoqraadi ah.