Muqdisho (Dawan) – Dowladda Federaalka Soomaaliya ayaa sheegtay in xasaradda ka taagan Marinka Hormuz ay saameyn toos ah ku yeelatay dhaqaalaha gudaha dalka iyo sicirka badeecooyinka muhiimka ah.
Warbixin ay Hay’adda Tirakoobyada Qaranka u gudbisay Golaha Wasiirrada Soomaaliya Khamiistii ayaa lagu sheegay in boqolkiiba 40 ay hoos u dhaceen badeecooyinkii dalka soo geli jiray, kadib xaaladda cakiran ee ka aloosan marin-biyoodka Hormuz.
Sida lagu sheegay warbixinta, hoos u dhaca badeecooyinka ayaa sababay in qiimaha cuntada uu sare u kaco boqolkiiba 10, halka adeegyada caafimaadka ay kordheen boqolkiiba 14.
Dowladda ayaa sidoo kale sheegtay in badeecooyin kale ay sare u kaceen wax ka badan heerarkaasi.
