SoDMA iyo Plan International oo ku heshiiyay in la Dardargeliyo Diyaargarowga Abaarta Soomaaliya

Soomaaliya, 30 Nov. 25 (Dawan) Hay’adda Maareynta Musiibooyinka Qaranka (SoDMA) iyo Plan International ayaa ku heshiiyay in la dardergaliyo Diyargarowga abaarka isla markaana la xoojiyo iswaydaarsiga xogta iyo digniinta hore ee abaaraha Soomaaliya.

Kulan Shalay ka dhacay Muqdisho oo u dhaxeeyay mas’uuloyiinka labada hay’adood ayaa looga hadlay saadaasha abaarta soo socota, xoojinta iskaashiga labada hay’adood, iyo kor u qaadista nidaamyada digniinaha hore iyo jawaabaha degdegga ee xaaladaha bulshada Soomaaliyeed.

Dhanka Socda waxaa hogaaminayay Guddoomiyaha SoDMA, Maxamuud Macalin Cabdulle, halka wafdiga ka socday Plan International, ay hogaaminaysay Agaasimaha Gobolka Hoosaadka Bariga Dhexe, Bariga Afrika iyo Koonfurta Afrika, Angela Muriithi. Wafdiga waxaa sidoo kale qeyb ka ahaa Sadia Allin, oo ah Agaasimaha u qaabilsan Soomaaliya, iyo Farah Osman, La-taliyaha Iskaashiga iyo Wada-shaqaynta ee Plan International.

Ugu danbeyntii labada dhinac ayaa isku af-gartay in la dardargeliyo diyaarinta iyo soo-jeedimo lagu ballaarinayo iskaashiga, si loo jaanqaado mudnaanta qaranka ee maareynta musiibooyinka. Waxaa sidoo kale la adkeeyay xiriirka istaraatiijiga ah ee labada hay’adood, si wax looga qabto xaaladaha degdegga ah iyo in fursado wadajir ah la abuuro.