Kismaayo (Dawan)- Hay’adda Maareynta Musiibooyinka Qaranka Soomaaliyeed, SoDMA, oo kaashanaysa Wasaaradda Gargaarka iyo Maareynta Musiibooyinka ee Jubbaland, ayaa diyaarisay 10 matoor oo biyaha lagu saaro, kuwaas oo loo qorsheeyay in lagu gaarsiiyo degmooyinka iyo deegaannada Jubbaland ee ugu nugul fatahaadaha.
Matoorradan ayaa loogu talagalay in biyaha looga saaro magaalooyinka iyo goobaha ay roobabka culus iyo fatahaaduhu saameeyaan, si loo yareeyo khasaaraha iyo dhibaatooyinka soo gaari kara bulshada.
Qalabkan ayaa sidoo kale qayb ka ah tallaabooyinka lagu xoojinayo diyaar-garowga hore, xilli walaac laga qabo saameynta roobabka iyo fatahaadaha la xiriira xaaladda El Niño.
