Soomaaliya oo dhaqan-gelinaysa shuruudda aqoonsiga qaranka ee safarrada gudaha laga bilaabo 1-da October

Shuruuddan ayaa qeyb ka ah iskaashi u dhexeeya Hay’adda Socdaalka iyo Jinsiyadda iyo NIRA oo lagu xoojinayo nidaamka aqoonsiga iyo xaqiijinta xogta muwaadiniinta. Hay’adaha ayaa horay u sheegay in nidaamka cusub uu gacan ka geysanayo xoojinta xaqiijinta aqoonsiga iyo ka hortagga dukumentiyada been-abuurka ah, khiyaanada aqoonsiga iyo wax-ka-beddelka aan la oggolayn ee xogta shaqsiga.

Dhaqan-gelinta shuruudda Aqoonsiga Qaranka ee safarrada gudaha ayaa horey loo qorsheeyay, balse dib ayaa loo dhigay si muwaadiniinta loo siiyo waqti dheeraad ah oo ay isku diiwaangeliyaan una helaan dukumentiyada aqoonsiga.

Mas’uuliyiinta ayaa ugu baaqay muwaadiniinta qorsheynaya inay gudaha dalka u safraan inay horay u qaataan Kaarka Aqoonsiga Qaranka ama Shahaadada Aqoonsiga si looga fogaado caqabado ka dhasha habka xaqiijinta aqoonsiga.