Maqaalka waa la soo dejinayaa...

Soo raraya...

Soomaaliya oo kaarka aqoonsiga shardi uga dhigtay Baasaboorka | Dawan TV | Dawan TV

Soomaaliya oo kaarka aqoonsiga shardi uga dhigtay Baasaboorka

Hay’adda Socdaalka Soomaaliya ayaa ku dhawaaqday in kaarka aqoonsiga NIRA lagu heli doono baasaboorka laga bilaabo 1-da Luulyo 2026.

May 13, 2026

2 daqiiqo akhris

Waxaa qoray Cabdullaahi Salaad - Reporter

Muqdisho (Dawan) – Hay’adda Socdaalka iyo Jinsiyadda Soomaaliya ayaa ku dhawaaqday in laga bilaabo 1-da bisha Luulyo 2026, codsiga baasaboorka Soomaaliya lagu xiri doono Kaarka Aqoonsiga Qaranka ee NIRA ama shahaado caddeynaysa in qofku horey u codsaday aqoonsiga.

War-saxaafadeed ay hay’addu soo saartay maanta oo Arbaca ah ayaa lagu sheegay in qof kasta oo aan weli qaadan Kaarka Aqoonsiga Qaranka lagu boorinayo inuu si degdeg ah u bilaabo qaadashada iyo codsiga aqoonsiga, si uusan caqabad ugu noqon helitaanka adeegyada baasaboorka.

Hay’addu waxay sidoo kale sheegtay in dukumiintiyada lagu dalbado baasaboorada ay noqdaan nuqullo (koobi), halka nuqulka asalka ah dib loogu celin doono qofka codsadaha ah.

Arrintan ayaa dhaqan geli doonta 13-ka May 2026, sida lagu xusay war-saxaafadeedka Hay’adda Socdaalka iyo Jinsiyadda.

Maqaallo la xidhiidha

2 saac kahor

Bangiga Adduunka: Kobaca dhaqaalaha Soomaaliya waxaa ku yimid hoos u dhac

3 saac kahor

Dowladda oo sheegtay in la soo badbaadiyay dad u afduubnaa AS

Tallaabadan ayaa qayb ka ah dadaallada dowladda Soomaaliya ay ku doonayso in lagu mideeyo xogta aqoonsiga muwaadiniinta, isla markaana lagu xoojiyo hubinta aqoonsiga dadka codsanaya adeegyada muhiimka ah ee dowladda, gaar ahaan baasaboorada.

Hay’adda Aqoonsiga iyo Diiwaangelinta Qaranka ee NIRA ayaa la aasaasay iyadoo lagu saleynayo Sharciga Aqoonsiga iyo Diiwaangelinta 2023, waxaana loo xil-saaray bixinta aqoonsiga qaranka iyo diiwaangelinta dadweynaha. Hay’addu waxay sidoo kale ka shaqeysaa sidee adeegyada dowladda ee caafimaadka, waxbarashada, arrimaha bulshada iyo adeegyada kale ee muhiimka ah loogu heli lahaa kaarka aqoonsiga.

Wargelinta cusub ee Hay’adda Socdaalka iyo Jinsiyadda ayaa ka dhigan in muwaadiniinta doonaya inay codsadaan ama cusboonaysiiyaan baasaboorada Soomaaliya ay ku qasbanaan doonaan inay haystaan Aqoonsiga Qaranka ama caddeynta codsiga kahor inta aysan helin adeegga baasaboorka.