Tabaarak ICT oo ku guulaysatay biladda Tayada Qaranka, una diyaar garoobaysa abaalmarinta Bariga Afrika

Muqdisho (Dawan) – Shirkadda Tabaarak ICT Solutions ayaa ku guulaysatay Abaalmarinta Tayada Qaranka ee sannadka 2026. Abaalmarinta waxaa lagu gudoonsiiyay xafladda “Quality Night”, oo ay soo qabanqaabisay Hay’adda Tayo-dhowrka Qaranka Soomaaliyeed oo dhacday 8 October. Xafladda waxaa lagu abaalmariyay hay’ado dawli ah iyo kuwo gaar loo leeyahay oo sannadkan muujiyay heer tayo oo sarreeya.

Guushan kadib, Tabaarak ICT waxay Soomaaliya u matali doontaa East Africa Quality Awards, oo ka dhici doona magaalada Kigali ee dalka Rwanda 2-da November 2026. Shirkaddu waxay ku tartami doontaa qaybta ICT-da, heerka shirkadaha dhexe (medium).

Axmed Xasan Maxamed Balack, Agaasimaha Ku-xigeenka Machadka Tayada Qaranka, ayaa sheegay in Tabaarak ICT ay raacday nidaamka uu dejiyay Ururka bulshada Bariga Afrika (EAC). Wuxuu xusay in codsiga tartanku ka koobnaa ilaa 20 bog, isla markaana shirkaddu si dadaal leh u soo gudbisay shuruudihii iyo dukumentiyadii loo baahnaa. Sida uu sheegay, hawshaas waxay kooxdiisa ku qaadatay ilaa laba ilaa saddex toddobaad.

“Waxaa farxad leh in guddi la fadhiistay, iyagoo si qualified ah uga qayb geli doona tartanka Kigali, Soomaaliyana ku matali doona qaybta ICT-da,” ayuu yiri Axmed Xasan. Wuxuu u rajeeyay guul,.

Axmed Cabdi Salaad, oo ka tirsan waaxda kantaroolka tayada ee Tabaarak ICT, ayaa sheegay in abaalmarintu ay ka tarjumayso dadaalka shirkaddu ku bixiso adeegyada ay siiso macaamiisheeda. Wuxuu tilmaamay in ka qayb galka tartan heer gobol ah uu yahay mas’uuliyad weyn, iyo fursad lagu muujiyo in shirkadaha Soomaaliyeed ay gaareen heerka ugu sarreeya ee adeegyada tignoolajiyada iyo hal-abuurka.

“Abaalmarintani waxay nagu dhiirrigelinaysaa inaan markasta ilaalinno tayada adeegyada aan bulshada iyo macaamiisheenna u fidinno,” ayuu yiri. wuxuuna rajeeyay in tartanka Kigali loo arko shirkadaha Soomaaliyeed inay gaareen heerka tayo ee caalamiga ah.

Tabaarak ICT oo la aasaasay sannadkii 2007 magaalada Muqdisho, ayaa bixisa adeegyo ay ka mid yihiin naqshadaynta websaydhada, software-ka ganacsiga, nidaamyada ERP, horumarinta app-yada mobilada, isku xirka nidaamyada, taageero farsamo iyo adeegyada isbeddelka dijitaalka ah.

Mid ka mid ah shaqooyinkeeda muhiimka ah waa dowladda dijitaalka ah. Laga soo bilaabo 2021, Tabaarak waxay dowladaha hoose u dhistay nidaamyo dijitaal ah oo ka gudba ururinta dakhliga, kuna jira maamulka shaqaalaha, kharashaadka iyo miisaaniyadda. Nidaamyadan waxaa adeegsada Gobolka Banaadir, iyo maamullada degmooyinka Baydhabo iyo Gaalkacyo, iyo kuwo kale.

Tabaarak ICT oo ku guulaysatay biladda Tayada Qaranka, una diyaar garoobaysa abaalmarinta Bariga Afrika

Khayre oo ka digay dhaqdhaqaaq ciidan oo uu sheegay in lagu beegsanayo guryaha madaxdii hore

Jabuuti iyo Sacuudiga oo ka wada hadlay ballaarinta iskaashiga dekedaha

Golaha Mustaqbalka oo cambaareeyay ciidamo uu sheegay in la dul dhigay hoyga Sheekh Shariif

Dowladda Soomaaliya oo mucaaradka ku eedaysay inay marmarsiiyo u raadinayaan sameysashada maleeshiyaad

Maqaallo La Xidhiidha

Maxay yihiin qodobada ugu muhiimsan wararka Dawan ee maanta?

NISA oo Ciidan taabacsan Shariif Sheekh Axmed ku eedeysay weerarro ka dhan ah Ciidamada Amniga

Muxuu Sheekh Shariif uga jawaabay eedeynta NISA ee ah in Ciidankiisu weerareen Ciidamada Amniga?

Qaybaha

Qoraallo Cusub

Tabaarak ICT oo ku guulaysatay biladda Tayada Qaranka, una diyaar garoobaysa abaalmarinta Bariga Afrika

Khayre oo ka digay dhaqdhaqaaq ciidan oo uu sheegay in lagu beegsanayo guryaha madaxdii hore

Jabuuti iyo Sacuudiga oo ka wada hadlay ballaarinta iskaashiga dekedaha