Taliyaha Sirdoonka Suudaan oo booqasho aan hore loo sii shaacin ku yimid Muqdisho

Intii lagu jiray booqashadii August 2025, Mufaddal wuxuu Madaxweyne Xasan Sheekh Maxamuud si rasmi ah ugu gudbiyay farriin uu ka siday Al-Burhaan, taas oo lagu xaqiijinayay danaha Suudaan ee xoojinta iskaashiga laba geesoodka ah ee kala dhexeeya Soomaaliya.

Kulankii xilligaas wuxuu diiradda saaray xiriirka Soomaaliya iyo Suudan iyo iskaashiga labada dal. Mas’uuliyiinta Soomaaliyeed ayaa xilligaas sheegay in Muqdisho ay ka go’an tahay xoojinta xiriirka ay la leedahay Khartuum, oo ay ku jirto iskaashi ku saabsan arrimaha amniga ee labada dal ay wadaagaan.

Booqashada Mufaddal ee ugu dambeysay ayaa ku soo beegmaysa xilli Suudan ay ku jirto dagaal sokeeye oo u dhexeeya Ciidamada Qalabka Sida ee Suudan iyo Ciidamada RSF, kaas oo sidoo kale ay sii huriyeen danaha iyo loollanka quwadaha gobolka.

Ilaa marka la daabacayo warkan, Madaxtooyada Soomaaliya iyo mas’uuliyiinta Suudaan si rasmi ah uma aysan shaacin faahfaahinta booqashada Mufaddal, natiijada kulamadiisa ama heshiisyo ka dhashay wadahadalladii uu Muqdisho kula yeeshay mas’uuliyiinta Soomaaliyeed.