Arusha (Dawan)– Ururka Bulshada Bariga Afrika (EAC) ayaa maanta si rasmi ah u xaqiijiyey midnimada Jamhuuriyadda Federaalka Soomaaliya, isagoo caddeeyey in dalku yahay mid mideysan oo leh madax-bannaanidiisa, iyada oo dowladda federaalka ay tahay jihada kaliya ee metesha Soomaaliya.
War-saxaafadeed ka soo baxay Xafiiska Fulinta ee EAC ayaa lagu sheegay in ururku si buuxda u aqoonsan yahay madax-bannaanida iyo midnimada dhuleed ee Soomaaliya, isla markaana mowqifkiisu uu waafaqsan yahay kan Midowga Afrika, sida ku cad Axdi-dastuurka AU iyo go’aannada khuseeya Soomaaliya.
