Jabuuti (Dawan) — Madaxweynaha Jabuuti, Ismaaciil Cumar Geelle, ayaa magacaabay golihiisa cusub ee wasiirrada maalmo kadib markii uu si rasmi ah u bilaabay muddo-xileed cusub. Magacaabistan waxaa ka muuqda isbeddel ballaaran oo taabanaya wasaarado muhiim ah.
Xukuumadda cusub ayaa ka kooban 26 xubnood, oo uu ku jiro Ra’iisul Wasaare Cabdulqaadir Kaamil Maxamed. Magacaabistan waxay isugu jirtaa lix xubnood oo cusub, sagaal xubnood oo loo beddelay wasaarado kale, iyo toban xubnood oo xilalkooda sii xajistay.
Magacaabistan waxaa si gaar ah uga dhex muuqda xubno markii ugu horreysay kusoo biiraya Golaha fulinta. Xubnaha cusub waxaa kamid ah:
Hana Farah Assoweh — Wasiirka Haweenka iyo Qoyska
Dr. Djama Mohamed Hassan — Wasiirka Tamarta, u xilsaaran Kheyraadka Dabiiciga ah
Orbis Helaf Orbis — Wasiirka Ganacsiga iyo Dalxiiska
Fardoussa Moussa Egueh — Wasiirka Dhallinyarada iyo Dhaqanka
Omar Houssein Omar — Wasiir-ku-xigeenka u xilsaaran Maamul-daadejinta
Fatouma Ali Abdallah — Xoghayaha Dowladda ee u xilsaaran Ciyaaraha
Qeybta labaad ee isbeddelka ayaa ah wasiirrada aan xilalka laga qaadin balse loo wareejiyay wasaarado kale. Tani waxay muujineysaa dib-u-habeyn siyaasadeed oo taabatay wasaarado muhiim ah. Wasiirrada xilalka loo kala beddelay waxaa kamid ah:
Mouna Osman Aden — Wasiirka Caafimaadka
Radwan Abdillahi Bahdon — Wasiirka Beeraha, Biyaha, Kalluumeysiga, Xannaanada Xoolaha iyo Kheyraadka Badda
Mohamed Ahmed Awaleh — Wasiirka Deegaanka iyo Horumarinta Waarta
Mohamed Abdoulkader Moussa Helem — Wasiirka Isgaarsiinta, una xilsaaran Boostada iyo Isgaarsiinta Casriga ah
Omar Abdi Said — Wasiirka Arrimaha Gudaha
Said Nouh Hassan — Wasiirka Kaabayaasha Dhaqaalaha iyo Qalabka
