Sanca, 30 Dec. 25 Yemen ayaa ku dhawaaqday joojinta heshiiska difaaca iyo ilaalinta wadajirka ah oo ay la lahayd Isutaga Imaaraadka Carabta (UAE) waxayna amartay in dhammaan ciidamada Emirati ay ka baxaan dhulka Yemen 24 saacadood gudahood. Tallaabadan ayaa timid ka dib markii UAE ay soo dirtay diyaarado hub ah oo loogu talagalay ciidamada Golaha Wadajirka ee Koonfurta (STC) ee ku sugan koonfurta Yemen, kuwaas oo ka soo horjeeda dowlada Yemen.
Rashad al-Alimi, Madaxweynaha Golaha Hogaaminta Yemen, oo soo jeedinayay bayaankan ayaa sheegay in dhamaan ciidamada Imaraadka ay ka baxaan dalka, "Dhammaan ciidamada Emirati waa inay ka baxaan dhulka Yemen 24 saacadood gudahood." Ayuu yiri Rashad al-Alimi
Dhinaca kale, Yemen ayaa ku dhawaaqday xaalad degdeg ah oo dalka oo dhan ka jirta, taas oo dhaqangali doonta laga bilaabo maanta muddo 90 maalmood ah. Sidoo kale, waxaa lagu dhawaaqay bandow isku socodka diyaaradaha, dekadaha iyo dhulka gaar ahaan xuduudaha muddo 72 saacadood ah, sida uu sheegay al-Alimi.
