Muqdisho (Dawan ) – Midowga Yurub ayaa ku baaqay wadahadal iyo dhexdhexaadin si loo xalliyo xiisadaha sii kordhaya ee u dhaxeysa Dowladda Federaalka iyo Koonfur Galbeed
Qoraal ay ku daabacday barteeda X, Safiirka Midowga Yurub ee Soomaaliya, Francesca Di Mauro, ayaa sheegtay in Midowga Yurub uu si dhow ula socdo xaaladda sii cakiran ee Koonfur Galbeed.
“Midowga Yurub ee Soomaaliya wuxuu si walaac leh ula socdaa xaaladda sii kordheysa ee Koonfur Galbeed. Wadahadal wax ku ool ah ayaa muhiim ah xilligan; dadaallada dhexdhexaadinta oo dhan waa la soo dhoweynayaa, waana in fursad la siiyo,” ayay tiri.