Jigjiga (Dawan ) – Bangiga Ganacsiga Itoobiya oo kaashanaya FSD Ethiopia ayaa magaalada Jigjiga ku qabtay kulan wacyigelin iyo dood-wadaag ah oo ku saabsan ka qeybgalka loo dhan yahay ee adeegyada maaliyadeed, sida ay sheegtay SRTV.
Kulanka ayaa lagu soo bandhigay qorshaha bangiga ee lagu ballaarinayo adeegyada maaliyadeed ee casriga ah, gaar ahaan deegaannada aan weli si buuxda looga heli karin adeegyada bangiyada.
Barnaamijkan ayaa lagu gaarsiinayaa adeegyada maaliyadeed 42 degmo oo ka tirsan Dowlad Deegaanka Soomaalida, iyadoo ujeeddadu tahay in bulshada loo fududeeyo helitaanka adeegyo maaliyadeed oo casri ah, oo ay ku jiraan adeegyada aan ribada ku dhisnayn.
Kulanka wacyigelinta waxaa ka qeyb galay masuuliyiin ka socday Bangiga Ganacsiga Itoobiya heer qaran iyo heer deegaan, iyo xubno ka kala socday bulshada degmooyinka laga hirgelinayo barnaamijka.
