Jabuuti 18 December 2025 (Dawan)– Agaasimaha Bankiga Masar, faraciisa Jabuuti, Maxamed Cafiifi , ayaa sheegay in Bankigu kaalin muhiim ah ka qaadanayo dadaallada Jabuuti ee lagu horumarinayo tamarta cagaaran, kadib kulan uu la yeeshay Wasiirka Tamarta Jabuuti, Yoonis Cali Guedi.
Kulanka ayaa diiradda lagu saaray taageerada Bankiga ee mashruuca rakibidda sollarada iyo bixinta amaahda qoysaska iyo shirkadaha gudaha, taas oo qeyb ka ah dadaallada ay Jabuuti ku xaqiijineyso in la helo koronto qiima jaban oo dabooli karta baahida bulshada.
Wasiirka Tamarta ayaa bogaadiyey ka go’naanta Bankiga iyo doorkiisa firfircoon ee mashruucyada tamarta cagaaran, isagoo tilmaamay in taageeradan ay qeyb weyn ka tahay kobcinta dhaqaalaha dalka.
