Jabuuti, 10 Oktoobar 2025 Booliska Jabuuti ayaa ka hor tagay laba nin oo isku dayaya in ay afduubtaan gabar 15 jir ah, iyaga oo xabsiga dhigay labada eedeysane, talaadadii la soo dhaafay ee 7 October 2025 sida ay lagu sheegay war qoraal ah oo ka soo baxay bogga rasmiga ah ee Booliska Khamiistii.
Ka dib booliska oo lagu wargeliyay mooto Bajaaj taala meel cidla ah oo qeyb ka ahayd meel ay go’aansadeen in baaritaano ku sameeyaan ayay ku qabteen labada nin ee ku howlanaa afduubka gabadda sida ay sheegeen booliska.
Gabadha, oo ka argagaxday falka balse ogaal leh, ayaa isla markiiba loo qaaday Isbitaalka Jaamacadda (CHU) si ay u hesho daryeel caafimaad.
Laba eedeysane ayaa lagu xiray saldhiga booliska. Iyaga oo wajihi kara xukun ah ilaa 20 sano oo xabsi ah hadii lagu helo falka ay ku eedeysan yihiin.
Ka hortagga booliska ee falkaan ayaa saameyn weyn ku yeeshay shacabka Barwaqo, iyadoo dadweynuha ay ammaanayaan feejignaanta ciidamada booliska. “Haddii aysan joogin waqtigaas saxda ah, waxa dhici lahaa waxa ugu xun,” ayuu yiri Saad Xasan.
Ciidamada boolisku waxay xuseen in howlgalkani uu muujinayo doorka muhiimka ah ee ka hortagga dambiyada iyo ilaalinta muwaadiniinta.