Jabuuti (Dawan) – Booliska Jabuuti ayaa xiray maamule xarun xawaaladeed oo lagu eedeeyay inuu ka lunsaday 3.3 milyan oo faranka Jabuuti ah, oo u dhiganta qiyaastii $18,570, xarun ku taalla magaalada Cali-Sabiix ee koonfurta dalka, sida uu sheegay Booliska Qaranka Jabuuti maanta oo Arbaca ah.
Milkiilaha xarunta xawaaladda ayaa 19-kii Sebtembar booliska Cali-Sabiix ku wargeliyay lacagta la sheegay in la lunsaday, isagoo sheegay in maamulaha xaruntu uu baxsaday kaddib markii uu furihii xarunta uga tegay gurigiisa, sida lagu sheegay warbixinta booliska.
Booliska Cali-Sabiix oo taageero ka helayay cutubyo ka tirsan ciidamada gurmadka ayaa tegay xarunta si ay baaritaan ugu sameeyaan dhacdada, waxaana markii dambe la bilaabay baadigoobka eedeysanaha.
