Addis Ababa (Dawan)– Ciidamada difaaca qaranka Itoobiya ayaa dib ula wareegay garoonka diyaaradaha Alula Aba Nega ee magaalada Mekelle, caasimadda gobolka Tigray, sida ay sheegeen ilo kala duwan, taasoo dhabarjab weyn ku ah isbahaysiga mucaaradka ee uu hoggaamiyo xisbiga TPLF.
Sida ay ku warantay wakaaladda wararka Reuters oo soo xiganeysa Ilo ka war haya xaaladda magaalada iyo ilo ka tirsan hay'adaha samafalka ayaa sheegtay in garoonku hadda gacanta ugu jiro ciidamada dowladda. Mid ka mid ah dadka deggan Mekelle, oo codsaday in aan magaciisa la shaacin sababo ammaan dartood, ayaa sheegay in rasaas laga maqlayey duleedka bartamaha magaalada, isla markaana uu arkay qaar ka mid ah dagaalyahannada Tigray oo isaga baxaya fariisimadoodii, iyada oo la bililiqeystay xarumaha dowladda.
Ka hor xaqiijinta, dagaalyahanada Tigray oo la safan dowladda federaalka ayaa habeenkii Jimcaha baraha bulshada ku shaaciyey in ay si buuxda ula wareegeen garoonka, isla markaana ay hawlgal ka wadaan gudaha magaalada.
